Продолжениот викенд си го направи своето: Гужва на ГП„Богородица“, познато колку туристи поминале граница

Сообраќајната раздвиженост на ГП „Богородица” од утрово е зголемена како резултат на продолжениот викенд поради прославата на Велигденските празници. Во моментот за излез од земјава не се чека подолго од десетина минути, потврдија за МИА од дежурната гранична служба.

– -За разлика од изминативе две пандемски години, во моментот забележлива е зголемена сообраќајна фреквенција од возила и автобуси. Во изминативе 24 часа, во двете насоки, границата ја поминале 7.500 туристи кои, поради вршење на задолжителните полициски и царински формалности, не се задржале повеќе од пет минути, велат од дежурната гранична служба.

Расположливите капацитети на ГП „Богородица” се ставени во функција, а времето на чекање трае кратко и зависи од моментниот налет на сообраќајните бранови.

Малку подолго трае задржувањето на грчката граница поради дополнителната проверка на ковид сертификатите, ПЦР негативните тестови и брзите антиген тестови чија примена, според најавите од грчка страна, веројатно ќе бидат укинати по 2 мај.

Share on Facebook

Tweet

Follow us

Save