Бајден апелира: Да се олеснат визните ограничувања за високообразовани Руси, да се стимулира одлив на мозоци од Русија

Американскиот претседател Џо Бајден го повика Конгресот да ги олесни визните ограничувања за високообразованите Руси, што предизвикува „одлив на мозоци“ од Русија.

Станува збор за измени во Законот за имиграција и државјанство за полесно да се добие работна виза за САД, објави Си-Ен-Ен. Доколку измените бидат усвоени, тоа ќе им овозможи на Русите со магистерски или докторски студии по технологија, инженерство или математика полесно да добиваат визи без работодавач во САД.

Тие вклучуваат Руси со дипломи во аеродинамиката на хиперсонична брзина, водечки технологии во нуклеарната енергија, модерна технологија на ракетни мотори, насочена енергија, вештачка интелигенција, сајбер безбедност и вселенска технологија и системи.

Аргументот на Бајден е дека „законот ќе им помогне на САД да привлечат и задржат руски таленти и да го намалат рускиот иновациски потенцијал во корист на националната безбедност на САД“.

Share on Facebook

Tweet

Follow us

Save