Арсовска соопшти прекрасна вест: За првпат ученици од Скопје освоија златен медал на Балканската математичка олимпијада

Градоначалничката на Град Скопје, Данела Арсовска, на нејзиниот Фејсбук профил објави прекрасна вест.

За првпат во историјата на Македонија е освоен златен медал на Балканската математичка олимпијада, соопшти градоначалничката.

“За прв пат во историјата на Македонија освоен е златен медал на Балканската математичка олимпијада.

Средношколецот Никола Спировски го освои првиот златен медал за Македонија на 39-та Балканска математичка олимпијада (БМО) која се одржа во Аргос, Кипар.

Македонската репрезентација составена од средношколците: Никола Спировски, Алексиј Тасиќ, Јасна Илиева, Јан Стојановски, Блаже Суклевски како и основецот Дамјан Давков го постигна најдобриот екипен резултат досега.

За постигнатиот успех денес од името на Град Скопје им доделив пофалници и награди на сите учесници со надеж дека и во иднина ќе нѐ радуваат со позитивни резултати и ќе претставуваат поттик и мотивација за идните генерации.” – напиша Арсовска на Фејсбук.

Share on Facebook

Tweet

Follow us

Save