Украински командант од “Азовстал” бара Илон Маск да ги евакуира од фабриката

Украински командант опколен во фабриката за челик Азовстал, која со недели е под опсада од руската војска, бара од милијардерот Илон Маск да им помогне на преостанатите украински борци да се евакуираат, пренесува Ројтерс.

Многу цивили беа спасени од големата челичарница минатата недела во согласност со договорот со Русија, но не беше постигнат договор со Москва за ослободување на неколку стотици борци, меѓу кои има и ранети.

„Луѓето велат дека доаѓате од друга планета за да ги научите луѓето да веруваат во невозможното. Нашите планети се една до друга, бидејќи живеам таму каде што е речиси невозможно да се преживее“, напиша командантот на маринците Сергеј Волина на Твитер.

„Помогнете ни да излеземе од Азовстал во некоја посредничка земја. Ако не можете Вие, тогаш кој може?“ напишал тој.

Маск, најбогатиот човек на светот, е сопственик на „СпејсЕкс“ и производител на електрични автомобили „Тесла“, а од неодамнка го купи и Твитер.

Според Ројтерс, украинските власти тврдат дека околу 1.000 борци се наоѓаат во бројните подземни тунели на Азовстал, од кои стотици се тешко ранети и им е потребна итна евакуација.

Share on Facebook

Tweet

Follow us

Save