Италијанската полиција спречи хакерски напади на проруски групи за време на Евровизија

Италијанската полиција спречи хакерски напади на проруски групи за време на полуфиналето на 10 мај и вчерашното финале на Евровизија во Торино.

Полицијата соопшти дека ублажила неколку сајбер напади од хакерската група Килнет и нејзината Легија врз мрежната инфраструктура за време на гласањето и настапот на натпреварувачите.

Килнет на 11 мај објавија дека нападнале веб-страници на неколку италијански институции, вклучително и Сенатот, Горниот дом на италијанскиот парламент и Националниот институт за здравство (ISS), објави новинската агенција АНСА. Откако Русија ја нападна Украина на 24 февруари, многу западни влади го подигнаа нивото на тревога поради можни сајбер напади врз ИТ системи и инфраструктура.

Украинската група Калуш Оркестар победи на Евровизија, со бран поддршка од јавноста, а победата ја поздрави и претседателот на Украина, Володимир Зеленски.

Share on Facebook

Tweet

Follow us

Save