Русија соопшти дека утре ќе го секне гасот за Финска

Русија ќе го запре протокот на гас во соседна Финска утре наутро, се вели во соопштението на финската државна компанија за големопродажба на гас Gasum.

Попладнето во петокот на 20 мај, Гаспром Експорт го информираше Гасум дека испораките на природен гас за Финска според договорот за снабдување со Гасум ќе бидат прекинати во сабота на 21 мај во 04:00 часот (GMT), се вели во соопштението.

Компанијата ќе продолжи да снабдува гас за клиентите во Финска од други извори преку гасоводот Balticconnector.

Извршниот директор на Gasum, Мика Вилјанен, се обиде да ги увери клиентите дека ќе има доволно гас во наредните месеци.

„Внимателно се подготвувавме за ваквата состојба и под услов да нема прекини во преносната мрежа на гас, ќе можеме да ги снабдуваме сите наши корисници со гас во наредните месеци“, рече тој.

Се појавија и неколку реплики од рускиот министер за одбрана, Сергеј Шојгу, кој предупреди дека Москва презема „соодветни контрамерки“ како одговор на кандидатурата на Финска и Шведска за НАТО.

Приклучувањето на Шведска и Финска во воената алијанса доведе до зголемување на воените закани во близина на границата, изјави Шојгу, цитиран од Интерфакс.

Тој, исто така, беше цитиран од новинската агенција Риа, која е во сопственост на руската држава, како вели дека Москва ќе одговори на овие закани со формирање на 12 нови единици во нејзиниот западен воен округ.

Share on Facebook

Tweet

Follow us

Save