Зеленски “дреме” на Фејсбук? Го критикува Мек Грегор заради стара фотографија со Путин

Зеленски го „нападна“ легендарниот борец – поради фотографијата со Путин од пред четири години?!

Украинскиот претседател Владимир Зеленски го таргетираше и легендарниот ММА борец Конор Мек Грегор – поради неговата фотографија со Владимир Путин од 2018 година.

Ирските медиуми јавуваат дека Зеленски го критикувал Мек Грегор затоа што се фотографирал со Владимир Путин за време на Светското првенство во Русија во 2018 година.

„Овој човек е еден од најголемите лидери на нашето време и чест ми е што можам да присуствувам на ваков настан покрај него“, изјави тогаш Мек Грегор.

Речиси четири години подоцна таа фотографија стана тема за Зеленски – во разговор со ирските политичари Шон О Гиргејл и Марк Дејли, а присуствуваше и пејачот Боно Вокс.

„Зеленски чувствуваше дека Мек Грегор не ја поддржува Украина“, пишува Дејли.

Share on Facebook

Tweet

Follow us

Save