За сто дена загинаа 261 дете, тврди украинското Обвинителство

Во руската агресија врз Украина, која трае веќе 100 дена, загинаа 261 дете, а 463 беа ранети, соопшти Украинското Основно обвинителство.

„Според податоците од утринава, бројот на загинати деца е 261, а ранетите 463“, се вели во соопштението.

Се наведува дека овие бројки не се конечни, бидејќи нема прецизни податоци за бројот во областите каде што се водат активни битки и на привремено окупираните територии.

Руските вооружени сили во бомбардирањата оштетија 1.938 училишни згради, а 182 беа целосно уништени, пренесува Бета.

Share on Facebook

Tweet

Follow us

Save