Украина: Белорусија го зголемува бројот на војници

Генералштабот на вооружените сили на Украина наведува дека Белорусија планира да го зголеми бројот на својата армија речиси двојно – од 45.000 војници на 80.000.

„Како дел од создавањето на Јужниот оперативен команден центар, планирано е да се зголеми бројот на персоналот во вооружените сили на Република Белорусија на 80.000 луѓе. Новите воени единици ќе бидат опремени со воена опрема што моментално се складира, објави „Украинска правда“.

Генералштабот на вооружените сили на Украина исто така истакна дека постои опасност од ракетни и воздушни напади на фронтовите Волин и Полисија од територијата на Белорусија.

Белоруската армија моментално брои 45.000 војници и е на 52-то место по воена моќ од вкупно 142 армии ширум светот.

Share on Facebook

Tweet

Follow us

Save