INFOMAX.MK

Украинските сили уништиле руска воена опрема со проценета вредност од околу 70 милиони долари, меѓу која се и напредни системи за противвоздушна одбрана, соопшти украинскиот претседател Володимир Зеленски.

Според неговите информации, биле погодени ракетно-топовскиот систем „Панцир-С2“, командно возило што е дел од системот С-400 „Триумф“, како и фабриката „Каменски“ во руската Ростовска област, која се користи за производство на ракети.

Зеленски посочи дека само вредноста на уништената опрема за противвоздушна одбрана изнесува околу 70 милиони долари. Тој им се заблагодари на Службата за безбедност на Украина и на другите единици на одбранбените сили што учествувале во нападите, објавувајќи и сателитска снимка од погодената локација.

Украинските напади следуваат по руските удари врз енергетската инфраструктура во четири украински области во ноќта меѓу 31 октомври и 1 ноември. Поради нив, стотици илјади домаќинства утрото сè уште биле без електрична енергија.

Our long-range sanctions have targeted the Rostov region. The Kamensky Combine, a Russian defense industry enterprise involved in missile production, was hit.

A Pantsir-S2 system and a command and staff vehicle of the S-400 Triumf system were also hit. The total value of the air… pic.twitter.com/mo4FsyeSlL
— Volodymyr Zelenskyy / Володимир Зеленський (@ZelenskyyUa) November 1, 2026