И Германија не е тоа што беше: Голем синџир маркети вовоедуваат ограничување за купување брашно

Голем германски синџир супермаркети воведе ограничувања за продажба на тестенини и брашно

Големиот германски ланец на супермаркети „Рев“ воведе ограничувања за продажба на тестенини и брашно поради проблеми во синџирот на снабдување поради конфликтот во Украина, јавуваат германските медиуми.

Купувањето е ограничено на 1 пакување тестенини и брашно по лице.

Претходно слични ограничувања воведоа и германските синџири со попусти Алди и Лидл.

Се вели дека производите како сончогледово масло, брашно, тестенини и конзервирана храна сега стануваат ретки на полиците на супермаркетите.
Состојбата дополнително ја влошува и тоа што потрошувачите, стравувајќи од недостиг на производи и дополнително поскапување, почнуваат да ги купуваат на големо.
Во овој поглед, супермаркетите се принудени да ја рационализираат продажбата.

Медиумите цитираат и коментари на корисници на Твитер кои го споделија своето искуство од посетата на супермаркетите. „Можам да го потврдам ова“, напиша еден германски корисник, „се започна со растително масло, потоа шеќер и брашно. Сега тестенините стануваат ретки во некои продавници, а цените прилично се зголемија“.

Во исто време се јавија потрошувачи од други земји.

„Дури и во Белгија, некои трговски синџири поставуваат ограничувања за тоа колку брашно, тестенини и путер можете да купите“, напиша друг корисник, објавувајќи фотографија од известување од супермаркет.

Share on Facebook

Tweet

Follow us

Save