ЕУ со помош за Шпанија и Португалија поради наглиот раст на цената на струјата

Европската унија им одобри на Шпанија и Португалија да користат милијарди евра државна помош за потрошувачите погодени од скокот на цената на електричната енергија поради руската инвазија врз Украина. Европската комисија, одговорна за правилата за државна помош, одобри едногодишна програма која вклучува 8,4 милијарди евра помош, од кои 6,3 милијарди евра се за Шпанија и 2,1 милијарди евра за Португалија. Средствата треба да го олеснат плаќањето на трошоците за гориво на производителите на електрична енергија.

Европската комисија одобри програма која ги заобиколува правилата на заедничкиот пазар на ЕУ поради сѐ посериозните нарушувања со кои се соочуваат шпанската и португалската економија. Шпанија верува дека помошта веднаш ќе ги намали трошоците на потрошувачите, додека некои шпански енергетски компании го критикуваа планот, велејќи дека тоа ќе го наруши пазарот.

Share on Facebook

Tweet

Follow us

Save