Украина уапси двајца функционери за шпионажа во корист на Русите

Украина уапси висок владин функционер и еден, како што е наведено, „бизнис лидер“ кој е осомничен дека е дел од наводната руска шпионска мрежа, соопшти денеска Украинската служба за безбедност (СБУ).

Безбедносната служба не ги именуваше двајцата осомничени, но ги идентификуваше како висок функционер во Секретаријатот на Кабинетот на министри и шеф на одделот во Стопанската комора, пренесува „Ројтерс“.

Според соопштението објавено на апликацијата Телеграм, СБУ извршила „специјална операција во неколку фази“ со цел да го неутрализира наводниот шпионски синџир.

„Како резултат на тоа, во Киев се приведени шефот на одделот на Секретаријатот на Кабинетот на министри и шефот на една од дирекциите на Трговско-индустриската комора“ се наведува во соопштението на СБУ.

Share on Facebook

Tweet

Follow us

Save