Путин: Државата минува низ серија на искушенија, но тоа ќе биде надминато

Иако Русија моментално минува низ нови искушенија и неволји, тие се решаваат и ќе бидат надминати, изјави денеска рускиот претседател Владимир Путин за време на средбата со студентите на воените факултети, пренесува руската агенција ТАСС.

Путин ја пофали „храброста и професионалноста на војниците кои учествуваат во операцијата во Украина“ и рече дека дополнително ќе ја зајакне војската.

„Државата минува низ уште една серија на искушенија. Да, има ограничувања и тие се надминуваат на различни начини, но ние работиме на тоа и тоа ќе биде надминато“, рече Путин.

Тој исто така рече дека руската историја никогаш не доживеала време кога Русите би можеле „да се чувствуваат како да не мораат да прават ништо, како во просперитетна земја, но едвај забележливо на картата на светот“.

„Русија отсекогаш минувала низ некои искушенија и неволји. Секогаш, за да постигнеме цел, треба да поминеме низ одредени тешкотии. Но, како што знаете, патувањето од илјада милји започнува во еден чекор“, им рекол Путин на студентите.

„Денешните офицери и војници го штитат Донбас од неонацистите, се борат за мир и безбедност на нашиот народ, за правото на Русија на суверен развој. Горди сме што за време на специјална воена операција нашите борци дејствуваат храбро, професионално, како вистински херои. Руски борци од различни националности.тие се борат рамо до рамо“, рече Путин.

Share on Facebook

Tweet

Follow us

Save