Руските воени затвореници во Украина: „Бевме измамени“

Во истражниот затвор во Украина, вториот кат е резервиран за руските воени затвореници.

Дојче Веле не ја именува точната локација на зградата од безбедносни причини.

Русите се држат одвоено од другите затвореници. Ни кажаа дека е „за нивна заштита“.

По барање на новинарите до Државната казнено-поправна служба на Украина, ДВ стана првиот медиум кој разговараше со руски затвореници, а снимаше и во затворот.

Дозволата беше дадена под услов ДВ да не известува каде точно се наоѓаат затворениците или да не им ги покажува лицата.

Исто така, ни беше дозволено да разговараме само со затвореници кои не беа обвинети за воени злосторства и кои не се соочија со други кривични пријави: за интервјуирање на такви лица ќе биде потребно дополнително овластување од истражителите или обвинителот.

„Тука дури сфатив што всушност се случува“

Во една од ќелиите седат седум мажи од различна возраст. Не се изненадени од посетата на новинарите. Тие велат дека секоја недела доаѓаат претставници на Обединетите нации или на Црвениот крст.

За време на интервјуата, новинарите на ДВ беа придружувани од затворскиот персонал кој им дозволуваше да ги изберат мажите што сакаат да ги интервјуираат.

ДВ интервјуираше четворица затвореници откако тие дале согласност; сите биле професионални војници и немале што да кријат, велат тие.

„Искрено, бевме измамени“, ни вели Роман, кој е од Виборг во Русија. „На почетокот ни рекоа дека се работи за хуманитарни работи. Но, веднаш ме испратија во првите редови. Роман беше повреден за време на борбите во областа Харков. Украинската војска, вели тој, го однела и му пружила медицинска помош.

Share on Facebook

Tweet

Follow us

Save