(Видео) По 18 часа во морето спасениот Македонец на Халкидики стапна на копно со насмевка на лицето, расположен и опуштен
Со насмевка на лицето, смирен, опуштен и во добро расположение, 30-годишниот македонски државјанин по поминати над 17-18 часа во морето, стапна на копно и со возило на брза помош беше пренесен во болница, откако спасувачките екипи го пронајдоа во морскиот дел југозападно од Касандра на Халкидики, јави дописничката на МИА од Атина.
Веројатно е дека хеликоптерот што учествува во акцијата, го лоцирал исчезнатиот, по што бил информиран товарниот брод, што се наоѓал во близина и го спасил Македонецот, а потоа бил преземен од чамец на грчката крајбрежна служба.
На пристаништето беше пречекан со аплауз од присутните, но и од голем број новинарски екипи кои од вчера детално го следат случајот со исчезнатите македонски туристи.
Според грчките медиуми станува збор за Иван, 30-годишниот кој вчера славел роденден.
Извори од крајбрежната служба на Грција, како што претходно објави МИА, брифираа дека спасениот 30- годишен државјани на Македонија е во релативно добра здравствена состојба.
Градоначалничката на Касандра Анастасиа Халкиа за солунскиот информативен портал „Ворија” вели дека веројатно добрата физичка состојба и смиреноста биле пресудни што и по 18 часа во морето, останал жив.
На еден од чамците на спасувачките екипи, додека траеше потрагата беа и братот и таткото на спасениот, кои од Македонија пристигнале на Халкидики.
Акција и потрагата на грчката крајбрежна служба, на грчкиот спасувачки тим и спасувачи волонтери продолжуваат за пронаоѓање на последниот од тројцата исчезнат, односно 28- годишен македонски државјанин.
ПОВРЗАНИ ВЕСТИ
Грција остварила 16,5% повеќе приходи од туризам
Грција остварила над 16 отсто повеќе приходи…
Петковиќ удри по Бакојани: СРАМ ДА ВИ…
Директорот на Канцеларијата за Косово и Метохија,…
Грција нема шанси да испрати во Украина…
Грција нема шанси да испрати во Украина…
Двајца Срби, членови на бандата Пинк Пантер…
Полициски службеници од грчкиот Оддел за гонење…
Грчкиот МНР: Грција нема да гласа за…
Грција следниот месец ќе се воздржи од…