Нов АСНОМ: Ниту еден загинат борец не умре за Северна, тоа е грдо и наметнато име!

t

Организацијата Нов АСНОМ, денеска по повод 119 години од Илинденското востание и 78 години од Првото заседание на АСНОМ, на нашите борци им оддава бескрајна почит за нивното херојство и животите дадени во светата борба за слободна, независна и самостојна Македонија. Денеска на овој светол ден-голем Македонски национален и православен празник, громогласно потсетуваме дека ниту еден загинат борец за Македонија, не го даде својот живот за Северна Македонија, соопшти здружението Нов АСНОМ.

„Северна Македонија е грдо и наметнато име кое го бојкотиравме на референдумот на 30 Септември 2018 година и наша обврска, цел и задача е враќање на уствното име Република Македонија.  

Тоа е желбата на македонскиот народ и на сите народи кои имаат почит кон нас, знаеќи дека сакаме мирољубив соживот, базиран на почитување на основните човекови права на сите граѓани на Македонија но и за сите наши соседи. И затоа, не постои партија, партиски или светски лидери што, ќе не одвратат да си го вратиме достоинството и дигнитетот, да си го врати името Република Македонија.  

Коските на загинатите борци за Македонија, нивната храброст, издржливост и интелигенција, се нашиот светол факел кој успешно ќе ни ја осветли саканата цел. Овој предизвик е генерациски предизвик пред кои спремно исправени стоиме и цврсто сме уверени дека во нашата генерациска борба ние повторно ќе бидеме победници.  

Тоа е нашата праведна  борба против одродниците и сите оние кои неправедно ни го одзедоа најсветото и вековното. Тоа е нашата праведна  борба за слободна и независна македонска држава, правна и праведна за нас и нашите идини генерации.

Почитувани Македонки и Македонци во Република Македонија и насекаде во светот ви ја честитаме 119 годишнината од Илинденското востание и 78 годишнината од Првото заседание на АСНОМ, честит Илинден, нашата победоносна битка е во тек“, соопшти Нов АСНОМ.

ПОВРЗАНИ ВЕСТИ

Филипче: Нашите корени се во АСНОМ, СДСМ…

Македонскиот народ секогаш бил на вистинската страна…

АСНОМ е шилецот вперен во срцето на…

Обичните луѓе да управуваат со својата судбина.…

Проф.д-р Никола Жежов: Историското значење на Првото…

Проф.д-р Никола Жежов ИСТОРИСКОТО ЗНАЧЕЊЕ НА ПРВОТО…

Три лица се повредени во несреќата помеѓу…

Три лица се повредени во сообраќајната несреќа…