INFOMAX.MK

Градоначалникот на Општина Кисела Вода, Орце Ѓорѓиевски соопшти дека Општината ќе ги субвенционира сметките за електрична енергија на социјално загрозените семејства.

Во продолжение ја пренесуваме неговата објава во целост:

“ГИ СУБВЕНЦИОНИРАМЕ СМЕТКИТЕ ЗА ЕЛЕКТРИЧНА ЕНЕРГИЈА НА СОЦИЈАЛНО ЗАГРОЗЕНИТЕ СЕМЕЈСТВА

Општина Кисела Вода ќе ги субвенционира сметките за електрична енергија на социјално загрозените семејства.

Објавен е јавниот повик со критериумите, на кој од денес, во наредните 15 работни денови можат да аплицираат ранливите категории-социјално загрозени семејства, самохрани родители и деца без родители.

Во услови на енормни поскапувања, на зголемени цени на сите основни продукти и добра кои претставуваат елементарни услови за живеење, а за многумина станаа луксуз, општина Кисела Вода обезбеди донација од приватна компанија за субвенционирање на дел од сметките за потрошена електрична енергија на социјално загрозените семејства.

Се работи за сума во износ од 1.200.000,00 денари, односно по 100.000,00 денари во текот на дванаесет месеци, кои ќе бидат наменети на оние на кои најмногу им е потребна помош.

Ги повикувам сите наши жители кои ги исполуваат условите да ја поднесат потребната документација до Архивата на општина Кисела Вода, како би можеле да го остварат правото на овие финасиски средства.

Изборот ќе го врши повеќечлена комисија, а подносителите ќе бидат известени во рок од 15 дена од донесувањето на одлуката за распределба на средствата.

Јавниот повик со критериумите за учество и потребната документација е достапен на општинската веб страница на следниот линк:

http://www.kiselavoda.gov.mk /content-data/Broshuri/Binderrrr444.pdf

Дополнителни информации може да се добијат преку лицата за контакт:

Ана Ѓуроска

[email protected]

071/391-167

Марјана Блажевска

[email protected]

072 / 248-526

Паралелно со оваа социјална мерка, oпштина Кисела Вода интензивно работи на подобрување на квалитетот на живот на сите граѓани, со посебен акцент врз најсиромашното население.

Проектот ,,Храна за сите”, преку кој беа обезбедени хуманитарни пакети за економски немоќните семјества, ќе продолжи и понатаму, а од септември, сите семејства кои имаат првоодделенче, од општината ќе добијат училишна чанта со тетратки и прибор.