Џонсон во последниот телефонски разговор како премиер се прости со блискиот пријател Зеленски

Борис Џонсон им оддаде почит на украинскиот претседател Володимир Зеленски и на украинскиот народ во неговиот последен телефонски разговор како британски премиер, велејќи дека можат и ќе ја победат Русија и вети дека ќе останат во контакт како пријатели.

„Премиерот разговараше со украинскиот претседател Володимир Зеленски за да му се заблагодари за неговото лидерство и пријателство. Премиерот јасно стави до знаење дека верува оти претседателот Зеленски и неговиот народ можат и ќе ја добијат војната во Украина“, соопштија од Даунинг стрит.

„Премиерот му рече на претседателот Зеленски дека е привилегија да се работи со него и дека силно го поддржува, а двајцата лидери се согласија да останат во контакт како блиски пријатели“, додаде портпаролот.

Џонсон утре официјално ќе поднесе оставка од премиерската функција, а на негово место ќе дојде досегашната министерката за надворешни работи Лиз Трас.

Share on Facebook

Tweet

Follow us

Save