Украина ја запира работата на нуклеарната централа “Запорожје”

Украина ја разгледува можноста за затворање на нуклеарната централа во Запорожје, која е под контрола на руската војска, пренесува Ројтерс.

Украинскиот експерт за нуклеарна безбедност Олег Кориков во видео обраќање изјави дека се размислува за исклучување на нуклеарната централа од безбедносни причини.

Тој додаде дека се загрижени за резервите на дизел што се користат за помошни генератори во таа нуклеарна централа.

Минатата недела делегација на Меѓународната агенција за нуклеарна енергија (МААЕ) ја посети нуклеарната централа во Запорожје, која изрази загриженост за ситуацијата на теренот и апелираше до двете страни да се воздржат од гранатирање на нуклеарната централа, бидејќи тоа може да има фатални последици .

Во својот извештај за Украина, агенцијата наведува дека има итна потреба да се воведат привремени мерки за да се спречи нуклеарна несреќа што би настанала од физичко оштетување на нуклеарната централа Запорожје.

Share on Facebook

Tweet

Follow us

Save