INFOMAX.MK

Портпаролот на Кремљ одби да одговори на прашањата за можното затворање на границите на Русија за да се спречи бегството на мажи на возраст за војска, откако беше најавена делумна мобилизација за војната во Украина.

Билетите за летовите од Русија брзо се распродадоа откако претседателот Владимир Путин нареди итна мобилизација на 300.000 резервисти. Податоците на Google Trends покажуваат скок во пребарувањата за Aviasales, најпопуларната веб-страница во Русија за купување авионски билети.

Директните летови од Москва до Истанбул, Турција и Ереван, Ерменија, двете дестинации кои им дозволуваат на Русите да влезат без виза, се распродадени, според Aviasales.

Некои летови за поврзување, вклучувајќи ги и оние од Москва до Тбилиси, исто така се недостапни, додека најевтините летови од главниот град на Русија до Дубаи чинат повеќе од 300.000 рубли – повеќекратна вредност на просечната месечна плата.

Check your sources, kids. 80k RUB is around 1.3k USD https://t.co/AMzm0kbLxW pic.twitter.com/ygIO9Xlxrl

— Konrad Muzyka – Rochan Consulting (@konrad_muzyka) September 20, 2022

Синоќа околу полноќ, одбранбениот аналитичар Конрад Музика споделил скриншот кој покажува дека денешниот лет на Туркиш ерлајнс од Москва до Истанбул чини 80.000 рубли. Утрото околу 8 часот и 45 минути, по говорот на Путин, летовите планирани за денеска биле распродадени, а на останатите цените вртоглаво пораснаа.