Левица удри по Тренчевска: Покачувањето на пензиите е понижувачко – Што се 850 денари во време на криза?!
Долгонајавуваното покачување на пензиите е понижувачко, велат од Левица од каде што посочуваат дека во Македонија богатите стануваат побогати, а сиромашните посиромашни.
– ДОЛГОНАЈАВУВАНОТО ЗГОЛЕМУВАЊЕ НА ПЕНЗИИТЕ Е ПОНИЖУВАЧКО
Во изминативе месеци во кои граѓаните се чуствуваат немоќно во однос на општите поскапувања за живеење, Владата на СДС и ДУИ, во манипулативен манир, реши да се поигра со достоинството на пензионерите.
Долгото најавување на зголемувањето на пензиите на пензионерите, беше со цел амортизација на незадоволството на дел од граѓаните – со што Владата на СДС и ДУИ покажа дека нема намера да го заштити достоинство на пензионерите.
Пред само неколку дена, анти-државната Влада, преку Министерството за труд и социјална политика, изјави дека ова фамозно и долгоочекувано зголемување на пензиите ќе изнесува едвај 850 денари!
Во услови на економска криза, проследена со речиси двојно зголемување на цените на основните прехрамбени продукти како и зголемувањето на струјата од над 30 отсто, апсурдно и крајно понижувачки е МТСП да се фали со зголемување на пензиите од 850 денари.
Срамно е што покачувањето на пензиите од неполни 7 отсто, се однесува за сите пензионери подеднакво, па така оние пензионери кои земаат највисоки пезнии ќе добијат и најголемо покачување од 1 500 денари, што е уште еден доказ дека во Република Македонија богатите стануваат побогати, а сиромашните уште посиромашни, велат од Левица.
Претходно Министерството за труд и социјална политика и Владата објавија дека пензиите ќе бидат зголемени за 6,8%, што го нарекоа историско зголемување на пензиите и грижа за пензионерите.
ПОВРЗАНИ ВЕСТИ
(Видео) Мециновиќ: Аграрни кооперативи, бескаматни кредити, загарантиран…
Носителот на пратеничката листа на Левица во…
Сопругата на Апасиев: Ако те плукаат СДС,…
Ако те плукаат СДС, ДПМНЕ, Алијанса и…
Нема Влада без Бугари во Устав! Касами:…
Имаме програма која ќе биде дел од…
Левица оддаде почит на загинатите во Вејце…
„Денес во село Вејце, тетовско, положи свежо…
(Видео) Полноќна бонбона математика со Амар Мециновиќ:…
Полноќна БОНБОНА математика со Амар Мециновиќ, носител…