Хаос во Финска: За половина ден разграбани залихите на таблети со јод!

Финските аптеки останаа без таблети јод, информираат медиумите од земјата.

На веб-страницата на најголемиот синџир на аптеки во Финска, Универзитетската фармација, исто така е објавено дека аптеките останаа без препарати со јод.
Во услови на возбуда, властите апелираат да не се прават големи набавки.
„Нема потреба од големи набавки на медицински јод од страна на домаќинствата“, се вели во соопштението на финскиот фармацевтски регулатор Фимеа.

И финското аптекарско здружение Apteekkariliito известува дека нема причина за паника.
„Нема потреба да се складираат таблети со јод. Едно пакување од 10 таблети е доволно за неколку луѓе, а на луѓето над 40 години воопшто не им се потребни“, се вели во соопштението на организацијата, во кое се прецизира дека новите серии на лекот ќе да бидат достапни на полиците на аптеките додека се обработуваат нивните нарачки.

Share on Facebook

Tweet

Follow us

Save