Финска заврши со поставување ограда на границата со Русија

Финска, членка на НАТО, заврши со поставување ограда од 200 километри по должината на границата со Русија по две години изградба, објавија денеска финските власти.

„Најважната задача на државата е безбедноста на своите граѓани“, изјави финската министерка за внатрешни работи Мари Рантанен.

„Во овие непредвидливи времиња, оградата на источната граница е клучна компонента на ефикасен систем за безбедност на границите“, додаде таа.

Изградбата започна во август 2024 година по должината на делови од финската граница со Русија, со вкупна должина од повеќе од 1.300 километри, каде што финската гранична полиција процени дека „оперативната потреба беше најголема, а изградбата економски најисплатлива“.

Бариерата се состои од ограда висока околу 4,5 метри и систем за технички надзор.

Тензиите по должината на финско-руската граница нагло се зголемија откако Русија ја започна својата инвазија на Украина во 2022 година. Финска ги затвори своите копнени гранични премини со Русија во декември 2023 година откако ја обвини Москва за намерно насочување на мигранти кон границата со цел дестабилизација на земјата.

Share on Facebook

Tweet

Follow us

Save