Почна состанокот на Советот за безбедност на Србија: КФОР повикува да се избегнат еднострани дејствија и ескалација

КФОР вчера соопшти дека присуството на таа мисија продолжува на северот на Косово и Метохија и дека засега нема факти кои би можеле да предизвикаат загриженост. Наведоа дека е неопходно да се избегнат еднострани дејствија и иницијативи кои можат да доведат до ескалација на насилството, пренесе „Газета експрес“, повикувајќи се на Танјуг.

Претседателот на Српската листа и министерот за заедници и враќање, Горан Ракиќ, и градоначалниците на четири општини на северот на Косово, вчера разговараа со новиот командант на КФОР, генерал-мајор Анџело Микеле Ристучи и командантот на „ База Бондстил“, Кристофер Самулски. Како што јави Танјуг, една од најважните теми на кои разговарале е зачувување на стабилна безбедносна ситуација.

Утрово претставниците на Србите на Косово и Метохија разговараа со претседателот на Србија, Александар Вучиќ, а веднаш по разговорот започна и седницата на Советот за национална безбедност на Србија.

Медиумите во Косово информираат дека таму може да се заблежи зголемено присуство на ЕУЛЕКС возила и припадници на “РОСА”.

Share on Facebook

Tweet

Follow us

Save