Лавров: Подготвени сме да преговараме со Украина ако се земат предвид нашите интереси

Русија е подготвена за преговори со своите западни колеги доколку Западот целосно ги земе предвид интересите на Русија и нејзината безбедност, како и доколку понуди сериозни пристапи кои ќе придонесат за смирување на тензиите, изјави Рускиот министер за надворешни работи Сергеј Лавров, пренесе руската новинска агенција ТАСС.

„Подготвеноста на Русија, вклучително и нејзиниот претседател, да преговара за Украина останува непроменета. Ние секогаш ќе бидеме подготвени да слушаме какви предлози имаат нашите западни партнери за деескалација на тензиите, па ако ни се пристапи со некои реални предлози врз основа на принципите на еднаквост и почитување меѓусебните интереси, насочени кон изнаоѓање компромиси и балансирање на интересите на сите земји, секако дека ќе реагираме, како што секогаш било во минатото“, изјави Лавров.

Share on Facebook

Tweet

Follow us

Save