Бугарија ИЗГЛАСА: ЌЕ СЕ ДОНИРА ОРУЖЈЕ за Украина

По четири часа дискусија, Националното собрание на Бугарија донесе одлука за испраќање оружје во Украина.

Иницијативата е поднесена од партиите ГЕРБ и коалицијата „Демократска Бугарија“, а поддржана е и од „Промените продолжуваат “, „Движење за права и слободи“ и „Бугарски подем“.

Бугарската социјалистичка партија и „Преродба“ гласаа против испораката на оружје за Украина.

Претходно Украина неколку пати се обраќаше кон Бугарија со барање да испрати оружје. Во претходното свикување на парламентот, повеќето партии го поддржаа обезбедувањето воена помош за Украина.

Но, Корнелија Нинова, која тогаш беше министерка за економија, постојано одбиваше да го поддржи таквиот предлог, па дури и се закани дека нејзината партија, Бугарската социјалистичка партија, ќе ја напушти владејачката коалиција.

Во мај, мнозинството членови на Националното собрание ја поддржаа одлуката само за ремонт на украинската опрема.

Share on Facebook

Tweet

Follow us

Save