INFOMAX.MK

Демократите на Бајден постигнаа, според првите прогнози, подобри резултати од очекуваните.

Американскиот претседател Џозеф Бајден вечерва ќе одржи медиумска конференција по среднорочните избори одржани во вторникот во САД. Бајден треба да зборува во 22 часот по средноевропско време, објави Ројтерс.

Според првите прогнози, демократите на Бајден постигнале подобри резултати од очекувањата, оценува британската агенција, во време кога се уште се пребројуваат гласовите и конечниот распоред на силите на демократите и републиканците во Сенатот и Претставничкиот дом на Конгресот не е познат.

Додека трката за Претставничкиот дом на американскиот Конгрес е речиси решена во корист на републиканците, во тек е голема борба за превласт во Сенатот.

Работите се такви што во моментов, според проекциите на CNN, двете водечки партии во САД имаат по 48 пратенички места, а на демократите им требаат уште две држави за да стигнат до бројката од 50, што им гарантира мнозинство, бидејќи во случај да биде 50: 50 го имаат дополнителениот глас на Демократската потпретседателка на САД Камала Харис (50+1).

Државите за кои се верува дека се води клучна борба се Невада, Аризона, Џорџија и Висконсин.

Американскиот републикански сенатор Рон Џонсон е реизбран во државата Висконсин, според проекцијата објавена вечерва од NBC News.