INFOMAX.MK

Германскиот канцелар Олаф Шолц ги потврди плановите на неговата влада да купи американски борбени авиони Ф-35 како дел од големата надградба на германската војска.

– Германија ќе продолжи да ја почитува својата посветеност на договорите за нуклеарна поделба на НАТО, вклучително и купување на борбени авиони Ф-35 со двојна способност“, напиша тој во напис за американското списание „Форин аферс“.

Терминот „двојна способност“ се однесува на авиони кои можат да носат и нуклеарни и ненуклеарни проектили.

Германија со децении учествуваше во нуклеарното одвраќање на НАТО со постари борбени авиони Торнадо. Тие се стационирани во воздухопловната база Бушел, во западната провинција Рајнска област-Пфалц.

Но, скапите нови авиони меѓу пратениците предизвикуваат загриженост за буџетот.

„Билд ам Зонтаг“ викендов објави дека германското Министерство за одбрана предупредило на значителни ризици во договорот, вклучително и можни временски одложувања и пречекорувања на трошоците.

Шолц во написот за Форин аферс посочува т.н „глобална пресвртница“ во однос на безбедносната политика.

„Германците планираат намера да станат гарант на европската безбедност, каква што очекуваат нашите сојузници“, пишува Шолц.