INFOMAX.MK

Заменик-градоначалникот на Скопје, Александар Трајанвски, денеска беше домаќин на дел од членовите на АЛПИ Србија, кои се во неколкудневна посета на Македонија.

– Денес на моја голема чест и задоволство, имав можност да бидам првиот домаќин на моите колеги од соседството кои се во посета на Македонија, претставниците на АЛПИ Србија.

На средбата дискутиравме за предизвиците со кои градот се соочува во овој период, како и за заложбите кои градот Скопје во рамки на своите програмски определби ги опфаќа, во насока на афирмација на вклучувањето на младите во креирањето на политиките, родовата еднаквост, дигитализацијата, заштита и зачувување на животната средина со цел овозможување подобар и поквалитетен живот во нашето Скопје.

Нашите ментори од International Republican Institute (IRI), кој е организатор и поддржувач на програмата АЛПИ ни овозможуваат да градиме мостови и да ги разменуваме нашите искуства и знаења, напиша Трајановски на Фејсбук.