INFOMAX.MK

Пред малку на Твитер се огласи амбасадорката на САД во Макеоднија, Анџела П. Агелер која најави дека тимот за санкции од Вашингтон агресивно ќе разгледува поранешни и актуелни корумпирани политичари.

-Тимот за санкции од Вашингтон е тука за поагресивен поглед на минатите и сегашните корумпирани актери и да ги разгледа сите можни одговори. На правосудниот сектор во Македонија му требаат повеќе истраги, гонење за да се покаже дека никој не е над законот.

Sanctions Team from Washington here to take a more aggressive look at past and current corrupt actors, and to consider all possible responses. North Macedonia’s justice sector needs more investigations, prosecutions to show that no one is above the law.

— Ambassador Angela Aggeler (@USAmbNMacedonia) December 6, 2022

Во текот на вчерашниот ден Агелер се приклучи на видео-конференцијата со премиерот Ковачевски и заменик-секретарот за тероризам и финансиско разузнавање во Министерството за финансии на САД.

-Амбасадорката Агелер се приклучи на видео-конференцијата со премиерот Ковачевски и заменик-секретарот за тероризам и финансиско разузнавање во Министерството за финансии на САД Брајан Нелсон. Тие разговараа за соработката меѓу нашите земји со фокус на борбата против корупцијата, перењето пари и малигните влијанија.

Претходно заменик-помошник државен секретар на САД и специјален претставник за Западен Балкан, Габриел Ескобар најави дека САД ќе воведат дополнителни чекори за да ги санкционираат корумпираните официјални лица од Балканот и да се тргнат од одговорните позиции.