Децата и родителите тероризирани: Испаничени дечињата од „Браќа Миладиновци“ откако со аларми се ваделе преку прозорци по дојавата за бомба!

Децата од скопското ОУ „Браќа Миладиновци“ во Аеродром денеска биле шокирани и преплашени откако по дојавата за бомба со аларми и пожарникарски возила биле вадени надвор од зградата. Оние од првиот кат морале да излезат преку прозорците.

Како што раскажуваат родителите за „Република“, децата не можеле да си дојдат на себе, а дополнително било проблем и да ги земат и смират зошто насекаде имало пожарникаски возила и не можеле ни да ги соберат.

Еден од татковците што стигна прв им купил чоколади, банани, водички да си дојдат на себе, раскажуваат родителите.

Пораки да ги земат децата добиле и родителите од ОУ „Киро Глигоров“ во Центар.

Според насоките со децата сме надвор спроти училиштето. Ве молиме кон е во можност да си ги земете децата, затоа што подолго ќе бидеме надвор, пишува во пораките.

Share on Facebook

Tweet

Follow us

Save