Полицијата ќе добива бонус плата за остварени над 150 часа прекувремена работа

Со буџетот на МВР планирани средства за бонус плата за остварени над 150 часа прекувремена работа на полицијата, информираше денеска министерот за внатрешни работи Оливер Спасовски.

Во насока на зголемување на мотивираноста на полицијата, проектирани се средства за бонус плата на вработените за остварени над 150 часа прекувремена работа на годишно ниво во текот на 2022 година.

Со исплатените бонус плати за 2017, 2018, 2019, 2020 и 2021 година, но и предвидената во овој Буџет за остварени над 150 часа прекувремена работа во 2022, вработените во МВР веќе немаат дилема дека нивниот труд и пожртвуваноста се вреднуваат и наградуваат.

Само за илустрација, во 2022 година исплатени се бонус плати за 5.922 вработени, како бонус за 2021 година, во поединечен нето износ по вработен од 28.718 денари.Продолжуваме со востановената заложба за создавање на модерна, опремена, стручна, ефикасна, но и задоволна полиција, напиша Спасовски на Фејсбук.

Share on Facebook

Tweet

Follow us

Save