Голема акција на италијанската полиција: Запленета дрога вредна 3,5 милиони евра

Италијанската полиција заплени дрога вредна 3,5 милиони евра во областа околу градот Торино, како и големо количество оружје.

Дрогата и оружјето се запленети во две одделни операции започната во зора на 28 мај, меѓу Босконеро и Торино, а во акцијата, исто така, се уапсени две лица, пренесе „Торино тудеј“.

Оваа масовна заплена е кулминацијана голема операција против дрога и нелегално тргување со оружје која во областа на Торино ја спроведоа карабинерите на Оперативната мобилна единица на Ивре и станицата Сентимо Витоне, Ивреа и Ривароло Каснавезе.

Во акцијата се уапсени 48-годишен Албанец и 34-годишен Италијанец, кои претходно и биле познати на полицијата, поради поседување големи количини наркотици наменети за дистрибуција, илегално поседување огнено оружје и прием на украдена дрога.

Во претресот на куќата на 28-годишниот Албанец се запленети приближно 10.000 евра во готовина од сомнително потекло, додека во текот на истрагата на шумовитото подрачје во Босконеро е откриена голема залиха наркотици, добро скриена во земја и покриена со метален лим.

Пронајдени се и 1,6 килограми кокаин, 530 грама хашиш, заедно со прецизни ваги и разни материјали кои се користат за пакување дози за трговија на дрога.

Потоа претресот е проширен на куќата на 34-годишниот Италијанец во Босконеро.

Водени од кучиња трагат, полицајците се фокусирале на пребарувањето на парцелата што ѝ припаѓала на неговата куќа.

Во земјата се пронајдени 7 килограми кокаин и повеќе од 6,6 килограми хашиш.

Дрогата била складирана во термички затворени кеси, кои потоа биле скриени и закопани во пластични садови.

Полицијата пронашла и арсенал кој се сотоел од полуавтоматска пушка, двоцевка сачмарка и пет пиштоли со различен калибар, вклучувајќи и револвер.

Како што се наведува, ова оружје е веројатно украдено претходно.

Дрогата и оружјето се запленети, а двајцата уапсени мажи се префрлени во затворот во Ивреја, па налог на локалното обвинителство кое ја координира истрагата.

Share on Facebook

Tweet

Follow us

Save