НАТО најави одржување на воени вежби во Косово!

Мисијата на НАТО на Косово најави дека во наредните денови ќе одржи „тактички“ воени вежби. Најавата дојде во време на тензии меѓу косовската влада поддржана од Западот и српското малцинство во покраината.

КФОР ќе спроведе редовна воена вежба во близина на својата база во Нови Село“, објави мисијата на својот Твитер профил.

„Вежбата има за цел да ги обучи единиците на КФОР да гарантираат слобода на движење во ситуација на одговор на кризи и ќе се состои од серија тактички симулации и логистички активности.

„Слободата на движење“ најверојатно се однесува на отстранувањето на барикадите, кои српското малцинство во Косово ги подигна околу нивните заедници претходно овој месец за да се заштитат од упадите на приштинските владини безбедносни сили.

Барикадите беа подигнати откако приштинската полиција уапси српски офицер минатата недела, обвинувајќи го дека нападнал една од нивните патроли. Како што растеа тензиите меѓу Приштина и Белград, претставниците на етничките Албанци ги заменија Србите во Северна Митровица, најголемата општина со мнозинско српско население во северно Косово. Претходно, сите членови на партијата Српска листа, која победи на изборите убедливо, поднесоа оставки од своите позиции во знак на протест поради сега веќе непостоечкиот план на Приштина за забрана на српските регистарски таблички на Косово.

Во четвртокот, српскиот претседател Александар Вучиќ побара дозвола од КФОР да распореди до 1.000 српски војници и полицајци на Косово, како што има право да прави според Резолуцијата 1244 на Советот за безбедност на ОН. Оваа резолуција, која стави крај на агресијата на НАТО против поранешна Југославија во 1999 година, му дозволува на Белград да испрати свој воен и полициски персонал на Косово во одредени ситуации, вклучително и ако е загрозен „мирниот и нормален живот“ на неговото население.

Share on Facebook

Tweet

Follow us

Save