Спортскиот директор на Ал Наср за Роналдо: Да почекаме до крај на годинава

Кристијано Роналдо во моментов е слободен фудбалер, откако го раскина договорот со Манчестер јунајтед пред повеќе од еден месец, а наскоро би можел да потпише за саудискиот тим Ал Наср.

Англиските медиуми пишуваат дека Роналдо ќе добие по 200 милиони евра по сезона од Ал Наср, но спортскиот директор Марсело Салазар вели дека треба да го почекаат крајот на годината пред да биде донесен било каков заклучок.

„Да почекаме до крајот на годината, кога ќе видиме како ќе се развиваат настаните во светот. Тоа што можам да кажам е дека Роналдо е еден од најдобрите во историјата. Секогаш беше пример за другите поради својот спортски дух и желбата за победа“, кажа Салазар.

Share on Facebook

Tweet

Follow us

Save