Брзо ќе си легнат на брашното? Инциденти ќе има се додека Србија не го признае Косово, вели германски пратеник

Пратеникот на владејачката Социјалдемократска партија на Германија, Адис Ахметовиќ вели дека отстранувањето на барикадите на северот на Косово е добар знак, но дека тоа не значи дека конфликтот е завршен, пренесува Репортерс.
Ахметовиќ гостувајќи во „РББ 24 Инфорадио“ истакна дека конфликтот меѓу Србија и Косово сепак нема да заврши.

„Се додека Владата на Србија не ја признае независноста на Косово, ќе има конфликти“, рече Ахметовиќ.

Тој објасни дека сега треба да почекаме и да видиме што ќе биде понатаму, но изрази и страв дека конфликтот може дополнително да ескалира.

„Ако ние како ЕУ се обидеме дополнително да го демократизираме Косово и да го зајакнеме неговиот територијален интегритет и суверенитет, Владата на Србија, од друга страна, ќе се обиде да ја ескалира ситуацијата“, рече тој.

Што се однесува до улогата на Русија, Ахметовиќ претпоставува дека таа се обидува да ја дестабилизира ЕУ.

„Владата на Србија е продолжена рака на Русија на Западен Балкан. Како ќе се дестабилизира ЕУ? Со поттикнување на проблемите во Косово“, нагласи Ахметовиќ.

Share on Facebook

Tweet

Follow us

Save