INFOMAX.MK

Премиерот Димитар Ковачевски на Фејсбук се пофали со ветените и реализирани проекти во 2022 година. Меѓу нив минималната плата од 18.000 денари, антикризните мерки, покачена плата во образованието…

Премиерот заборави да ги спомене и двоцифрената инфлација, зголемената цена на струјата, зголемен број на т.н социјални случаи…

Во продолжение објавата на Ковачевски на Фејсбук:

– Годинава, и покрај сите неизвесности кои ги донесе светската криза, тоа што го ветивме, го исполнивме. Двојно ја зголемивме минималната плата, а просечната плата веќе е далеку над 500 евра. Успеавме да ги покачиме платите во образованието, здравството, безбедносните сектори. Не ги заборавивме и пензионерите, пензиите се рекордно зголемени и континуирано ќе растат.

Успешно се справуваме со кризата и со над 760 милиони евра антикризни мерки, успешно ги поддржавме и компаниите и граѓаните за полесно да го пребродат овој бурен период.

Отворивме нови градинки, обезбедивме нови странски инвестиции, 2000 нови подобро платени работни места, пуштивме во употреба нови патишта, а гасификацијата е веќе реалност. Ја започнавме и енергетската трансформација на државата. Македонија набрзо ќе е енергетски центар за зелена енергија.

Во новата година, продолжуваме уште подобро и поодлучно. Нема да има недостижна цел во 2023 година! – напиша Ковачевски на Фејсбук.

ЛИНК од објавата