INFOMAX.MK

Американската амбасада во Приштина соопшти дека целта на САД е да го поддржат Косово да стане дел од европските и евроатлантските структури, нагласувајќи дека „независноста на Косово е факт“.

Ваквата реакција на Твитер уследи по веста дека некој на оваа социјална мрежа наводно „лајкувал“ објава на еден српски медиум од профилот на американската амбасада. Во таа објава се вели за непризнавањето на независноста на Косово, за кое вчера зборуваше претседателот на Србија, Александар Вучиќ.

„Официјалниот Твитер профил на американската амбасада намерно не „лајкувал“ ниту еден твит во последните 24 часа. Како што рековме претходно, кога сакаме да артикулираме став, тоа го правиме преку официјални канали, изјави, а не „лајкови“ на социјалните мрежи“, се наведува во образложението.

Амбасадата додаде дека категорично се противи на „секој обид да се доведе во прашање независноста и суверенитетот на Косово“

Let's be clear: Kosovo's independence is a fact. Our primary goal is to support Kosovo as it takes its rightful place in European and Euro-Atlantic structures. We categorically oppose any effort to call into question Kosovo's independence and sovereignty. 1/2
— U.S. Embassy Pristina (@USEmbPristina) January 5, 2023