INFOMAX.MK

Европската комисија го потсети Скопје дека нема ЕУ ако не ги внесе Бугарите во Уставот, вака бугарските медиуми ја пренесуваат изјавата на евроамбасадорот Дејвид Гир кој денеска им порача на пратениците дека треба да гласаат за уставни измени за да не се изгуби моментумот.

Евроамбасадорот повтори дека патот кон членството во ЕУ нема да биде лесен.

-Но, имате почнато со реформи во важни области, а некаде сте дури понапред и од други држави, од европски држави. Измените на Уставот со цел вклучување на граѓаните коишто се самоопределуваат како Бугари останува суверена одлука на Македонија, но исполнувањето на тоа е потребно за да се задржи моментумот во преговорите. Станува збор за одлука која што не зависи од никој друг освен од вас, истакна Гир.

Гир посочи дека со промена на Уставот не се менува националниот идентитет на Македонците, а еве како бугарските медиуми ликуваат на неговата изјава за “обврската” на Македонија да ги вметне Бугарите во Уставот.