(Видео) Спремете ги суратите, од 12 до 14 јануари ќе се одржи Вевчанскиот карневал – еве кој се ќе настапи
Вевчанскиот карневал, како еден од најпознатите брендови на земјава, ќе се одржи традиционално на 12-ти, 13-ти и 14 Јануари, соопштија организаторите.
На постот споделен на Фејсбук се вели дека нема потреба од премногу објаснување и асоцијации затоа што кога ќе се спомене Вевчани, веројатно веднаш на сите им асоцира на Вевчанскиот карневал, кој традиционално се организира пред Василица.
„Така е со векови, а можеби и со милениуми, една од најстарите традиции на Македонија и Вевчани која се претпоставува дека има континуитет најмалку 1.500 години. Пишани извори сведочат дека карневалот е стар најмалку 1.460 години, но постојат археолошки наоди кои упатуваат на податоци дека карневалот постои барем 2.200 години. Денес карневалот е интересно и необично преплетување на пагански со христијански обичаи. Традиционално, учесниците се обидуваат да избегнат воведување на современи карневалски елементи, но веќе години наназад има и богата музичка програма“, наведено е во постот.
На 12-ти Јануари веќе традиционално се организира програма од забавна музика, на 13-ти од народна музика и сето тоа испреплетено со традиционалното дефиле на маски, кое завршува со палење на маските на 14-ти Јануари.

Подготовките за Вевчанскиот карневал се веќе започнати, а од Општина Вевчани најавуваат прекрасно издание со одлична програма која ќе ги задоволи вкусовите на сите посетители и учесници.
„Вевчанските маски покажуваат какви не треба да бидат луѓето. Ако видите грубост, пораката е не бидете груби. Ако видите вулгарност, пораката е не бидете вулгарни. Едноставно, она што е негативно во едно општество и во секој сегмент на општественото живеење ќе го видите токму низ маските на дефилето на 13 и 14 јануари“, порача градоначалникот на општина Вевчани, Спасе Кочоски на денешната прес-конференција.
Василичарите од Горна и Долна маала, покрај традиционалните маски на Глупи Август, Зетот и Невестата и Ѓаволите, ќе продефилираат и со останатите маски кои претставуваат спој на архаичноста, таинственоста и современото.
Вевчанскиот карневал се изведува во чест на верскиот празник Свети Василиј Велики – заштитник на вевчанските василичари, на вевчанци и на Вевчани. По своите специфичнии особини се разликува од сите други карневали во светот. Карневалот е признат од страна на Федерацијата на европските карневалски градови (ФЕЦЦ), со својата богата културна и историска вредност и привлекува илјадници домашни и странски посетители.
ПОВРЗАНИ ВЕСТИ
Благодарница за министерот Ристовски за поддршката и…
Во име на организаторите на Скопскиот маратон,…
Кумановец условно осуден за веење на знаме…
Деветнаесетгодишниот Арди Саити од Куманово добил условна…
Христовски: АНБ ја следи одлука на Египет…
АНБ ја следи одлука на Египет да…
Серафимовски: Започна откупот на тутун по цена…
Започна откупот на годинешната реколта по цена…
(Видео) АНБ ОТКРИ ИРАНСКА ПРОКСИ МРЕЖА ВО…
АНБ во соработка со МВР откри и…