Христовски: АНБ ја следи одлука на Египет да прогласи за терористичка организација една организација од Македонија
АНБ ја следи одлука на Египет да прогласи за терористичка организација една организација од Македонија, одговори денес на новинарско прашање директорот на АНБ, Бојан Христовски.
– АНБ со особено внимание ја следи последната одлука на Египет за една македонска организација која е прогласена за терористичка организација, делуваме во рамки на можностите, меѓународна соработка и активности тука. И покрај тоа АНБ во целост тековно ги следи сите активности кои се од позиција на насилен екстремизам и тероризам, само во изминатите две години имавме значителен придонес во рамките на борбата против тероризмот. Не постои било каков елемент за грижа кај било кого во однос на тоа што Египет има прогласено за терористичка организација една организација од Македонија, одговори Христовски.
Македонско исламско здружение се најде на списокот на организации што египетскиот Кривичен суд во Каиро ги прогласи за терористички. Одлуката, објавена претходно во египетскиот службен весник, опфаќа вкупно 35 организации и 36 луѓе од повеќе европски држави, кои ќе бидат внесени во националните регистри на терористички организации и лица во период од пет години.
Меѓу организациите наведени во одлуката има исламски здруженија и институции од Франција, Велика Британија, Германија, Швајцарија, Шведска, Италија и од други европски земји.
На списокот се наоѓа и организација од Македонија, наведена под арапското име „Таджаму ал-Шабаб ал-Ислами“, што во превод значи „Исламско младинско здружение“.
ПОВРЗАНИ ВЕСТИ
Христовски: АНБ ја следи одлука на Египет…
АНБ ја следи одлука на Египет да…
(Видео) АНБ ОТКРИ ИРАНСКА ПРОКСИ МРЕЖА ВО…
АНБ во соработка со МВР откри и…
ДЗС: безбедно отстранети две минофрлачки гранати од…
Дирекцијата за заштита и спасување (ДЗС) безбедно…
Одамна заслуживме да бидеме во ЕУ, но…
Досието на Македонија е многу сложено, но…
Мицкоски од Самитот во Црна Гора: Очекувам…
Премиерот Христијан Мицкоски очекува силни пораки за…