INFOMAX.MK

Првиот гренслем Австралија опен годинава излезе проклет за фаворитите, па после елиминациите на Надал, Зверев, Руд, Фриц, Беретини…, испадна уште еден кој конкурираше и за трофеј – двојниот финалист Данил Медведев.

Медведев денеска загуби без освоен сет, во три сета од Американецот Себастијан Корда, кој со сервис-волеј го разби Русинот, победувајќи го со 7-6, 6-3, 7-6.

Русинот беше втор фаворит за трофејот, но синот на легендарниот Петр Корда тотално го надигра, а му најави дека ова е негов ден уште по водството со 4-1 во првиот сет, но Медведев успеа да се врати во сетот со многу брејкови, но на крај да потклекне во тај-брејкот кој го загуби со 7-9.

И потоа Корда заигра уште подобро, па многу полесно со 6-3 го доби и вториот сет за да направи исчекор кон победата, за во завршниот сценарио како во првиот. Корда поведе со 4-2, Медведев се врати и кога сите помислија дека ќе остане во живот, во тај-брејкот повторно Американецот подобар за конечен триумф.

Хуберт Хуркач ќе му биде противник на Корда за пласман во четвртфиналето, откако Хуркач претходно го елиминираше Денис Шаповалов.