INFOMAX.MK

Автомобил управуван од Србинот Саша Блажиќ вечерва бил каменуван од група Албанци во Суво Дол, потврди самиот Блажиќ за Косово онлајн.
Блажиќ вели дека успеал да побегне и да стигне до својата зграда во Суво Дол бидејќи забрзал кога почнало каменувањето.

„Одам за Северна Митровица, ја префрлив ќерка ми со автомобил и на враќање видов група момци на раскрсницата кај џамијата во Суво Дол. Беа 6-7 и ги видов како се виткаат па претпоставував дека се виткаат за да земат камења. Кога почна каменувањето, забрзав и слушнав удирање на камења во автомобилот. Најмалку десетина камења удриле во автомобилот. Фала му на Бога, не бев повреден“, вели Блажиќ.

Тој посочува дека е поранешен припадник на косовската полиција и дека никогаш немал проблеми со никого.

„Девет години живеам во Суво Дол. Никогаш не сум имал никакви проблеми. Сега ме нападнаа само затоа што забележаа дека автомобилот што го возам е пасат со регистарски број КГ и сигурен сум дека затоа ме нападнаа. Работев во полиција, одев низ цело Косово и никогаш никому ништо лошо не сум направил“, тврди Блажиќ.