Град Скопје опреми нов кабинет со преносни компјутери во средното училиште “Сарај”

Град Скопје започнува низа проекти за младите со цел овозможување квалитетни можности за младите, меѓуетничка интеграција на младите во образованието, зајакнување на компетенциите и учеството на младите луѓе во креирањето политики, како и поттикнување на младински претприемачки вештини, информираше градоначалничката на Град Скопје, Данела Арсовска.

– Во средното училиште на Град Скопје „Сарај“ опремивме нов кабинет со преносни компјутери, каде се обезбедува современа и квалитетна настава за учениците. Со градоначалникот на општина Сарај Блерим Беџети, го посетивме и Центарот на младинската заедница во рамки на училиштето кој го координира Незране Рустеми, како простор за воншколски активности за младите од Сарај, напиша Арсовска на Фејсбук.

Share on Facebook

Tweet

Follow us

Save