ГОЦЕ Е МАКЕДОНИЈА: 151 годишнина од раѓањето на Гоце Делчев, еден од најголемите синови на Македонија!
Денес се одбележува 151 годишнината од раѓањето на Гоце Делчев, големиот македонски револуционер, визионер и идеолошки лидер.
Како син на Никола и Султана Делчеви, роден е на денешен ден, 4-ти февруари 1872 година во Кукуш. Основното образование го завршува во Кукуш по што заминува да учи во Солун каде науката и литературата ги усовршува во воената школа. Има активна улога во многу политички клубови во Солун и Софија. Сепак „Лозарите“ имаат најголем удел во формирањето на неговиот револуционерен профил. Годините помеѓу 1894 и 1903 се најплодни во неговиот краток револуционерен живот. Тогаш како учител во штипско Ново Село и Банско значително придонесува во подготовките за вооруженото востание.
Од историско значење е и средбата со Даме Груев во Штип во ноември 1894 година кога го договараат организирањето на мрежа низ цела Македонија за активирање на населението. Сепак тој и неговите следбеници предупредуваа на предвременото кревање на востанието, затоа што тврдеше дека сеуште не е дојдено вистинското време и не се направени потребните подготовки за кревање на востанието.
На пат за Конгресот во Сер, во 1903 година Делчев преноќил во селото Баница. Предаден и опколен, тој беше убиен на 4-ти мај. Неговата смрт значеше откажување за многу визии на овој револуционерен херој.
Македонскиот народ му оддава должна почит и се сеќава на еден од своите најголеми синови. Неговите идеи се нераскинлив дел од Македонската колективна свест и историја.
ПОВРЗАНИ ВЕСТИ
Зеленски отпушти висок разузнавач поради обвинувања за…
Украинскиот претседател Володимир Зеленски го разреши Илја…
Денеска се празнува Велики Четврток: на Тајната…
На светиот и велики четврток, светите Отци,…
ВРЕМЕНСКА ПРОГНОЗА: Променливо облачно, на повеќе места…
Времето денеска ќе биде променливо облачно. Од…
(Не)успешно разоружување на Србија – Бројот на…
Една година по акцијата за разоружување на…
Запленетото оружје од фронтот во Украина атракција…
Западните тенкови и воената опрема запленети од…