Има само 16 години: Јана Атанасовска не го заврши првото возење на велеслаломот

Македонската скијачка Јана Атанасовска, немаше пријатно деби на Светското првенство во алпско скијање во Куршевел и Мерибел, бидејќи отпадна од конкуренција во првото возење во велеслаломската трка.

Атанасовска го заврши возењето во вториот сектор, кога направи грешка и отпадна, во моментите кога имаше 1.9 секунди задоцнување зад водечката.

Таа има само 16 години, а посилна дисциплина ѝ е слаломот, па ќе очекува подобар пласман в петок, на слаломското натпреварување за жени на СП во Куршевел и Мерибел.

По денешната прва трка во велеслалом, водечка е Микејла Шифрин, пред домашната адутка, Теса Ворли (+0.12) и Италијанката Федерика Брињоне (+0.31). На настанов учествуваа вкупно 114 скијачки.

Share on Facebook

Tweet

Follow us

Save