1728 лица возеле без возачка во Тетово минатата година
Евиденцијата на одделот за аналитика при СВР Тетово покажува дека во текот на 2022 година сообраќајните полицајци изрекле 1728 мерки за управување на возила без положен возачки испит и валидна дозвола за тоа. Во првите два месеци од годинава, заклучно со денеска 28 февруари бројот на ваквите мерки изнесува 260.
-Секторот за внатрешни работи Тетово апелира посебно до младите, да не управуваат возила без претходно да ја завршат теоретската и практичната обука и да го положат возачкиот испит, зашто во спротивно ја доведуваат во ризик сопствената и безбедноста на другите учесници во сообраќајот. Да бидат максимално внимателни им се советува и на возачите-почетници Најголемиот број од прекршителите на кои им биле изречени законски предвидените мерки управувале патнички моторни возила, а некои и комбиња, вели портпаролот на СВР Тетово, Марјан Јосифоски.
На сите им се изготвени соодветни поднесоци и ќе се соочат со парична глоба од 250 евра во денарска противвредност, а иста глоба ги очекува и сопствениците на возилата кои им ги дале да ги управуваат, иако знаеле дека немаат дозвола.
ПОВРЗАНИ ВЕСТИ
Жена тешко повредена во Тетово, паднала додека…
Денеска во СВР Тетово е пријавено дека…
Училиштата во Тетово повторно мета на лажни…
Лажни дојави за бомби повторно ги вознемирија…
Хаос во Тетово: насилник ѝ се заканувал…
Пресметка меѓу повеќе членови на две семејства…
Маж од Тетовско две години ѝ барал…
Маж од Тетовско две одини ја уценувал…
Му побарале уплата на шалтер, тој го…
Инцидент се случил во Клиничката болница во…