Си Џипинг по третпат избран за претседател на НР Кина

Си Џинпинг денеска беше едногласно избран за претседател на Народна Република Кина и за претседател на Централниот воен совет на Кина на тековниот 14. Национален народен конгрес, пренесува Ксинхуа.

Тоа е негов трет петгодишен мандат и тој е единствениот претседател на Кина кој е избран по третпат, додава кинеската агенција.

Си Џинпинг се заколна дека ќе го почитува Уставот на Кина.

На изборите немаше друг кандидат, а гласањето на кое учествуваа 3.000 делегати траеше еден час, додека резултатите се пребројуваа електронски за 15 минути, пренесува Ројтерс.

На истата седница беше избран и новиот претседател на кинескиот парламент Жао Лежи, како и заменик-претседателот на Парламентот Хан Женг.

Се очекува во следните два дена да бидат именувани или избрани членови на кинеската влада, како и новиот кинески премиер Ли Кечијанг, пренесува Танјуг.

Во октомври минатата година, на 20-от Конгрес на Комунистичката партија на Кина, Си Џинпинг по трет пат беше избран за генерален секретар на Комунистичката партија на Кина.

Share on Facebook

Tweet

Follow us

Save