Сериозни проблеми во бугарската Армија: Огромен недостиг на кадар поради катастрофалната демографија на земјата

Бугарската армија се соочува со сериозен недостиг на кадри, а тоа го правда со лошата демографија во земјата.

„Продлабочената демографска криза во земјата и зголемувањето на платите во бизнисот доведоа до моментален недостаток на воен персонал“, се вели во одговорот на Министерството за одбрана за истрагата на БТА за причините за зголемениот недостаток на војска.

Армијата во последните години доживува вистинска кадровска криза, официјалните слободни работни места се околу 5.500, но неофицијално се зборува за над 6.000, па дури и повеќе. И самата армија признава дека во некои единици има недостиг од дури 25 проценти, а најлоша е состојбата во Копнените сили. Министерството за одбрана експериментира со иницијативи како „Биди војник“ и со измени во законот за воведување на т.н. доброволна услуга за да се закрпат недостатоците, но во пракса тоа немаше многу позитивен резултат и јазот во персоналот остана.

Предизвиците за управувањето со човечките ресурси и на национално ниво и особено во Министерството за одбрана се детерминирани од повеќе фактори, од кои највлијателни се демографскиот колапс во Бугарија, мобилноста на човечките ресурси и проблемите со регрутирањето и изборот на кадри, објаснуваат оттаму.

Share on Facebook

Tweet

Follow us

Save